இடஒதுக்கீடும் - திறமையும்

இடஒதுக்கீடு என்றாலே திறமை பிரச்சனை வந்து விடுகிறது. திறமை குறைச்சலா இருக்கிறவங்க இடஒதுக்கீடு மூலமா உள்ள நுழைஞ்சிடறாங்க அப்படின்னுட்டு சில அறிவுஞீவிங்க சொல்றாங்க. ஏதோ உலகத்துலேயே அறிவிஞீவியா இருக்கிறவங்க இவங்க மட்டும் தான்னு ஒரு நினைப்பு இவங்களுக்கு. இவங்களுக்கு மட்டும் தான் அந்த ஸ்ரீரங்கத்து ரங்கநாதன் மூளையை வைச்சான், மத்தவங்களுக்கு எல்லாம் களி மண்ணத் தான் வைச்சான் போல பேசுறாங்க.

நம்ம சினிமா உலக அறிவு ஞீவி ஒருத்தர் இருக்காறே, ஒரு பையன் ஒரு வயசான அம்மாவை காதலிக்க, அந்த வயசான அம்மாவோட பொண்ணு பையனோட அப்பாவை காதலிக்க, ஒரு அற்புதமான காதல் ஓவியத்தை எடுத்தாறே அந்த அறிவுஞீவி தான். நேரடியா மோதாம, முதலியார் புள்ளைக்கு இடஒதுக்கீடால சீட் கிடைக்கல அப்படின்னுட்டு படத்துல பிட் ஓட்டுவாரு.

அப்புறம் வந்தாரு ஒருத்தர், ஜெண்டில்மேன்னு படம் எடுத்தாரு. அந்தப் படத்த பாத்தீங்கன்னா, நோட்டீஸ் போர்ட்ல மெடிக்கல் காலேஜ் ரிசல்ட் ஒட்டியிருப்பாங்க. கறுப்பா இருக்கற பசங்கள்லாம் ரிசல்ட பாத்து சந்தோஷமா குதிப்பாங்க. வெள்ளையா, சுண்டினா ரத்தம் வர்ற கலர்ல இருக்கறவருக்கு சீட்டு கிடைக்காது. என்ன சொல்லவர்றாங்கன்னு புரியுதா...

நம்ம ஆளுங்க நிறையப் பேரு இத பாக்கறதுல்ல, மதுபாலா தொப்புள்ல அர்சுனன்னு வாள்வைக்கறத தான் பார்பாங்க. அப்புறம் அவருக்கு ஒருத்தர் அட்வைஸ் வேற பண்ணுவாரு. சத்ரியனா இருக்காதே, சாணக்கியனா இரு அப்படின்னுட்டு. நாம எல்லாம்சத்ரியன்/சூத்ரன் - மூளை இல்லாதவங்க. இவங்க சாணக்கியன் - மூளை இருக்கறவங்க.

பிரச்சனைக்கு வந்திடலாமா..

90% க்கும் மேற்பட்ட பிற்படுத்தப்பட்ட, தாழ்த்தப்பட்ட குடும்பங்களில் இருந்துஇப்பொழுது தான் முதல் தலைமுறை பட்டதாரிகள் வெளிவந்து கொண்டிருக்கிறார்கள். இவர்களில் பெரும்பாலானோர்கள் கிராமத்து இளைஞர்கள். இவர்களுடைய குடும்பத்தில் உள்ள பலர் படிப்பறிவில்லாதவர்கள். தாங்கள் படிக்கா விட்டாலும் பரவாயில்லை. நம்மகன்/மகளாவது படிக்க வேண்டும் என்ற எண்ணத்தில் தான் நிறையப் பெற்றோர்கள் தங்கள் பிள்ளைகளை படிக்க வைக்கிறார்கள்.

ஆனால் முற்படுத்தப்பட்ட பிராமண குடும்பங்களில் இருக்கும் நிலைமையே வேறு. ஆங்கிலேயர் காலத்திலேயே அவர்களுக்கு சேவகம் செஞ்சு, திவான்களா இருந்து, கைக்கூப்பி இங்கிலிப்பிச்சு கத்துக் கிட்டாங்க. காலத்துக்கு ஏத்த மாதிரிமாறக் கூடிய ஒரே தகுதி இவங்களுக்குத் தான். நம்ம ஆளுங்கல்லாம், கொடி தூக்கிவெள்ளைக்காரன்கிட்ட அடி வாங்கனப்ப இவங்க சொகுசா திவானா இருந்து இங்கிலிப்பிச்சு கத்துக்கிட்டாங்க. இவங்க தாத்தா, பாட்டி எல்லாம் இங்கிலிபிச்சு பேசற கதை இதுதான். இவங்க எல்லா பிரிவுலேயும் இருப்பாங்க. பி.ஜே.பி யும் இவங்க தான்,காங்கிரஸ்சும் இவங்க தான், கம்யுணிஸ்டும் இவங்க தான். நம்ம இந்து ராம் கம்யுணிஸ்டு, ஆனா சங்கராச்சாரியாரை தமிழக எல்லை வரைக்கும் போய் வரவேற்பாரு. இதுமாதிரி நிறைய கூத்து இருக்கு.

அதை விடுங்க.விஷயம் என்னான்னா...

பலத் தலைமுறைகளா பிராமணர்கள் படிப்பறிவுடன் இருக்கிறார்கள். ஆனால் பிற்படுத்தப்பட்ட, தாழ்த்தப்பட்ட மக்களில் இப்பொழுது தான் முதல்தலைமுறையைச் சேர்ந்தவர்கள் படிக்கத் துவங்கியிருக்கிறார்கள்.ஒரு படித்த குடுமபத்தில் இருந்து ஒருவன் பட்டதாரியாவது சுலபம். ஆனால் படிப்பறிவே இல்லாத குடும்பத்தில் இருந்து வெளிவரும் இளைஞர்கள் படும் பாடு ரொம்ப கொடுமை. நான் அனுபவப்பட்டுள்ளேன். வழிக் காட்டுவதற்கு ஆளே இருக்க மாட்டார்கள். நாமாக முட்டி மோதி விஷயங்களை தெரிந்துக் கொள்ள வேண்டும். பல சமயங்களில் லேட்டாகத் தான் விஷயங்கள் தெரிய வரும். சில முறை தவறாக நடந்து நொந்துப் போய், அடுத்த முறை அதைச் சரி செய்துள்ளேன். வசதியான குடும்பத்தில் இருந்தால் கூட இது தான் நிலைமை.

இதுவே வசதியே இல்லாத குடும்பமாக இருந்தால்... அவன் பாடு இதை விடக் கொடுமை. வயிற்றுப் பாடு ஒரு புறம், படிக்க வேண்டும் என்ற ஆவல் ஒரு புறம். கிராமத்துபள்ளிகளில் கிடைக்கும் அற்புதமானக் கல்வி ஒரு புறம் என்று அவன் படும் இன்னல்கள் கணக்கிலடங்கா.

இவ்வளவு கொடுமைக்கு இடையிலே அவன் படித்தாலும், அவன் பிற்படுத்தப்பட்ட,தாழ்த்தப்பட்ட இனத்தைச் சேர்ந்தவன் என்றாலும் அவனுக்கு இடஒதுக்கீடு மூலமாக சுலபமாக இடம் கிடைத்து விடுகிறதா என்றால்... நிச்சயமாக இல்லை.. இல்லவே இல்லை.

ஒவ்வொரு வருடமும் வெளியிடப்படும் கட்-ஆப் மதிப்பெண்களை கவனித்திருப்பீர்கள்.

மருத்துவ படிப்பில் 300/290 எடுத்தவர்களுக்கு கூட மருத்துவ கல்லூரியில் இடம் கிடைப்பதில்லை. அவன் தலித்தாக இருந்தாலும், பிற்படுத்தப்பட்டவனாக இருந்தாலும் இடம் கிடைப்பதில்லை. அந்தளவுக்கு இப்பொழுது கடும் போட்டி நிலவுகிறது.

பொதுவான போட்டியில் (OC) 297-298 மதிப்பெண்களில் அனைத்து இடங்களும் நிரப்பப்பட்டு விடும். இப்பொழுதெல்லாம் இந்தப் பொதுப் போட்டியில் கூட பிற்படுத்தப்பட்ட, தாழ்த்தப்பட்ட மாணவர்கள் நிறையப் பேர் தேர்வு ஆகிறார்கள் என்பதை கவனியுங்கள். படிப்பு என்பது அவர்களின் சொத்து அல்ல என்பது தெளிவு.

அடுத்து BC, MBC எல்லாம் 295 மதிப்பெண்கள் என்ற நிலையில் நிரப்பப்படுகின்றது. SC என்னும் பொழுதும் இதே நிலை தான்.

ஆக 10 மதிப்பெண்கள் வித்தியாசத்தில் அனைத்துக் கோட்டாக்களும் நிரப்பப்பட்டுவிடுகின்றன.

10 மதிப்பெண்கள் வித்தியாசத்தில் ஒருவனின் திறமை குறைந்து விடுமா ?

பிற்படுத்தப்பட்ட, தலித் மாணவன் படும் இன்னல்கள், பல கஷ்டங்களுக்கு இடையேயும்அவன் படித்துப் பெறும் இந்த மதிப்பெண்கள், நெய் சாதமும், பருப்பு சாதமும்சாப்பிட்டு சொகுசாக படிக்கும் பிரமண மாணவர்களை விட பல மடங்கு அதிக வேல்யு உடையது.

திறமை போய் விடும் என்ற கோஷமெல்லாம், இவர்களின் வயித்தெறிச்சல்.